Rover Forum – Forum mlađih brđana 2025. Hrvatska

Во периодот од 20.03 до 23.03.2025 година, во близина на градот Рјека, конкретно во местото Селце, се одржа Ровер Форум, на кој учествуваа извидници од Србија, Босна и Херцеговина, Словенија, Црна Гора, Хрватска и Македонија. Настанот беше од едукативно-забавен карактер и имаше за цел да ги поттикне учесниците на размена на искуства и знаења во различни области на извидничкиот живот.

Агендата на форумот вклучуваше бројни сесии, на кои учесниците споделуваа добри практики и начини за успешно водење на Одред, Патрола, Јато и други извиднички групи. Главната тема на настанот беше „Вештини за живот“, која го опфати широкиот спектар на вештини кои се важни за извидниците, како што се младински активизам, комуникациски вештини и организациски капацитети. Нашите учесници, имаа уникатна прилика да ги прошируваат своите знаења во овие области.

Ровер Форумот претставуваше важен настан за зајакнување на меѓународната соработка и размена на знаења, и беше уште еден доказ за посветеноста на извидниците да ги развиваат вештините за живот и да се поврзуваат со своите врсници од други земји.

Leave a Comment

Вашата адреса за е-пошта нема да биде објавена. Задолжителните полиња се означени со *